命運嘅嘢真係幾得意，我成日都話Go With The Flow，就因為Everything Will Flow！想當年熱愛音樂熱愛彈琴熱愛唱歌，每日放學返屋企就拎住支結他自彈自唱、寫歌、好Low Tech咁用部MD機錄Demo，曾經拎住隻唱王菲「情誡」嘅Demo去見王菲嘅監製，俾人笑；又試過放學就咁着住套校服見唱片公司經理人，比人串🤣。後來有某間大唱片公司簽我，但係命運就係要Make Fun With You，因為一個好Minor嘅溝通誤會最後冇簽到約，如果唔係，我而家就係Mirror嘅師姐！🤣⋯之後讀完白英奇就飛咗去倫敦讀Graphic Design，留低工作、做Illustrator，以為呢個會係我畢生嘅工作，until我阿媽Cancer，我選擇回流香港定居，做過In-house 、做過4As，之後認識咗Ben先至全職同佢打天下。講咁大段嘢只係想講無論你細個夢想係點、一路計劃好自己條路想點行，呢個世界係唔會圍繞住你一個人轉，所有事情發生都係有一個原因，就係要令到你成個長，得到更多經歷。💪🏻🙏🏻✨當然我冇放棄過唱歌嘅夢想，我每晚沖涼都開concert 㗎！🤣
•
送上白英奇時代Sing Con演出一小段，快啲過IG睇吓🤣😘✨
Search